Scrivas gugent? Has gust da preleger tes text avant in public interessà? Lura participescha a la concurrenza litterara Premi Term Bel als Dis da litteratura che han lieu ils 7-8 da november 2026 en la Postremise a Cuira. Quest onn stattan els sut il motto «pèr a pèr» – forsa gist in’inspiraziun per tes text?  

Cundiziuns: Il text sto esser per rumantsch (idiom u rg), en prosa, nunpublitgà ed avair ina lunghezza da 5'000-6'000 segns (incl. spazis). El po sa referir al motto «pèr a pèr» u tractar in‘autra tematica.  

Premis: Sper il Premi T erm Bel principal che è dotà cun CHF 3'000 vegn er surdà in premi dal public. Il favurit dal public gudogna CHF 1'500. Plinavant survegn mintga text che vegn en il final als Dis da litteratura CHF 500.   

Inoltraziun: Enfin ils 9 d’avust 2026 a premi@disdalitteratura.ch
Dapli infurmaziuns sin www.disdalitteratura.ch